您的位置: 主页 > 学术乐园 >《上下半场表现有如天堂与地狱的分野 沙利:我难以解释》 >

《上下半场表现有如天堂与地狱的分野 沙利:我难以解释》


2020-05-27


《原创文章 欢迎转载 请列明出处 谢谢》-请支持蓝狮 Facebook专页-《上下半场表现有如天堂与地狱的分野 沙利:我难以解释》 按此观看图片 .图片来源 : Daily Express难以解释、唔知道......等等字句唔难喺沙利近几个月既赛后记者会听到,但身为球队主教练,如果连球队依加面对紧咩困难,自身存在咩问题都唔知的话,又点能够带领球队赢波?莫非係赢波就知点解,输波就即刻乜都唔知?英超开始转入最后直路,正式进入白热化阶段,本身车路士喺少打一场既情况下仍然掌握进入前四行列既主导权,谁不知自己又唔争气,先被狼队抢走两分过后今场更被爱华顿全取三分,引致依加落后紧联赛排第四既阿仙奴三分,数字上似乎仍存在可能性,但一切都真係喺数字上既可能,是因蓝军黎紧四月仲要先后作客晏菲路同奥脱福,相反枪手经已完成哂所有强强对碰,同时唔好忘记曼联同样为争四而努力,车路士依加经已丧失争四主导权,情况相当令人担心。睇返狼队同爱华顿失分哩两场波,其实输波既情况可以话同出一辙,先係喺主导形势之中久攻不下,即使有一啲黄金机会都无法把握,继而比对手喺一啲零星机会中一针见血,跟住再喺人地加强防守之下球队表现无力回天,唔同既係上场对狼队既时候有夏萨特最尾神来之笔抢番一分,而今场一分都执唔到仲要输够两粒,就好似剧本一样每集都出现番同样剧程,赛事进程有如倒模般相同。「赢数据输比数」可以话总结左哩两场波既表现,当然,赛事当中有唔少欠运既场面,不乏中柱、中眉、柱边出界,但与其话欠运,不如直指问题係把握力不足所导致,希古恩加盟至今踢左七场英超赛事,暂时都只係入左三个波,其中两个更係喺对阵哈德斯菲尔德身上拎到,而喺赛场上既动作都睇到阿根廷人仍未处于最佳状态,入波重任唯有继续交托到夏萨特身上,但始终同上半季一样无解决过缺乏入球数字哩个问题。继续争四?还是寄望于欧霸盃?但就连爱华顿都搞唔掂,沙利你係咪真係当宾菲加、拿坡里等球队流架?文章最后更新时间 : 18/03/2019 15:30《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持

上一篇:
下一篇: